د اروزګان ولایت محتسبین: چاته به اجازه ور نه کړو چې د مېرمنو شرعي حقوق تر پښو لاندې او ظلم ورسره وکړي.
د ارزوګان ولایت د امر بالمعروف، نهې عن المنکر او شکایتونو اورېدلو ریاست محتسبینو دوه مېرمنې له کورني تاوتریخوالي وژغورلې.
د اروزګان ولایت محتسبین وایي، یادې مېرمنې چې له زیاتي مودې راهیسې د خاوند او د خاوند د کورنۍ لخوا له کورني تاوتریخوالي سره مخ وې وروسته له هغې له کورني تاوتریخوالي وژغورلې چې د نوموړو مېرمنو د کورنيو لخوا امر بالمعروف ریاست ته شکایت ثبت شوو.
محتسبینو د دواړو مېرمنو خاوند او کورنۍ راوغوښتلې او هغوی ته یې د مېرمنو د حقونو په تړاو د شریعت په رڼا کې خبرې وکړې او له نوموړو یې ژمنه واخیسته چې نور به له یادو مېرمنو سره ظلم او ناروا نه کوي او شرعي حقوق به يې ورکوي.
محتسبین ټینګار کوي چې چاته به اجازه ور نه کړي چې د مېرمنو شرعي حقوق تر پښو لاندې او ظلم ورسره وکړي.
