محتسبین: ډاکټران باید ناروغانو سره نرم، مسلکي چلند ولري او ښځينه ډاکټرانې حجاب مراعات کړ
د امر بالمعروف، نهی عن المنکر او شکایتونو اورېدلو وزارت اړوند د زابل، کندهار، هلمند، غزني، پکتیا او خوست ولایتونو محتسبینو د خپلو اصلاحي کړنو په دوام په یادو ولایتونو کې د ځینو روغتنونو او درملتونونو له مسؤلینو سره په اصلاحي ناستو کې د وزارت له لوري د شویو سپارښتنو پر اساس له هغوی وغوښتل چې د نارینه او ښځینه کارمندانو او مراجعینو د تګ او راتګ لارې او انتظار ځایونه بېل او ځانګړی کاري چاپېریال برابر کړي.
دغه راز محتسبینو د یادو روغتیایي مرکزونو مسؤلینو ته ور یاده کړه، چې ښځینه کارمندانې باید حجاب رعایت کړي او ټول کارمندان باید سیرت او صورت له نبوي ارشاداتو سره سم جوړ کړي.
محتسبینو ټینګار وکړ، چې له ناروغانو سره باید نرم او مسلکي چلند وشي او په دې برخه کې د وزارت له لوري شوې سپارښتنې په پوره توګه پلې شي.
د یادولو وړه ده، چې تر دې وړاندې هم محتسبینو د هېواد په کچه له ډاکټرانو غوښتي و، چې هیڅ ډاکتر باید رمزي، مبهمې یا نه لوستل کېدونکې نسخې ناروغانو ته و نه لیکي، چې په وینا یې دا کار د درمل پلورونکو لپاره د ناسمو ګټو زمینه برابروي.
