محتسبینو په غزني، پکتیا، خوست، ننګرهار او بغلان ولایتونو کې (۹) مېرمنې له خپلو شرعي حقونو څخه برخمنې کړې.
د امر بالمعروف، نهې عن المنکر او شکایتونو اورېدلو وزارت اړوند د غزني، پکتیا، خوست، ننګرهار او بغلان ولایتونو محتسبینو نهه هغه مېرمنې، چې د بېلا بېلو بې معنا او ناوړه دودونو په اساس ځورول کېدلې او له خپلو ټولو شرعي حقونو څخه بې برخې وې، د محتسبینو په هڅو له خپلو شرعي حقونو څخه برخمنې شوې.
د محتسبینو په وینا: یادې مېرمنې چې د بې معنی غیرتونو او ناوړه دودنو پر اساس ځورول کېدلې او له جدي کورني تاوتریخوالي، کورني بند خونو، غیر شرعي نکاح ګانو، نفقې نه ورکړې، طلاق او ورته نورو ستونزو او ننګونو سره مخ وې د محتسبینو له لوري وژغورل شوې او له خپلو شرعي حقونو څخه برخمنې شوې.
محتسبین زیاتوي، چې د امیرالمؤمنین حفظه الله له لوري د مېرمنو د حقونو د ساتنې اړوند د جوړ شوي قانون له مخې به د مېرمنو له شرعي حقونو څخه دفاع کوي او د هغو ناسمو دودونو مخه به نیسي چې له امله یې د مېرمنو شرعي حقوق له ګواښ سره مخ دي.
د یادولو وړ ده، چې د دې وزارت محتسبینو د مېرمنو د نورو حقونو لکه میراث، ولور، نفقې او خپلې خوښې نکاح تر څنګ لسګونه مېرمنې له کورني تاوتریخوالي او کورنیو بندخونو څخه ژغورلې دي.
