خوست کې د امر بالمعروف وزارت د قانون د تنفیذ اونیزه ناسته وشوه
د خوست ولایت د امر بالمعروف ریاست مسؤلینو د دې ولایت د والي مولوي عبدالقیوم روحاني په مشرۍ د امر بالمعروف وزارت د قانون د تطبیق، ټولنیزو ستونزو د حل، اسلامي ارزښتونود پیاوړي کولو او په اړوندو برخو کې د قوانینو د عملي پلي کولو په موخه د امر بالمعروف وزارت د قانون تنفیذ اونیزه ناسته وشوه.
د ناستې ګډون والو د امر بالمعروف د قانون د تطبیق چاره اړینه وبلله او ټینګار یې وکړ، چې د د تطبیق کمېټه باید پخپلو چارو کې له عدل او انصاف څخه کار واخلي او خپلې کړنې دې د شریعت د لارښوونو په اساس تر سره کړي ، څو د اسلامي ارزښتونو د پیاوړتیا تر څنګ د خلکو ترمنځ د ورورولۍ او همغږۍ فضا نوره هم پیاوړې شي.
د قانون د تطبیق کمېټې د یتیمانو او مظلومانو سره د ناوړه چلند مخنیوي، بدعتونو له منځه وړلو، د ډاکټرانو له لوري د نه لوستل کېدونکو نسخو نه لیکو او پر یو لړ نورو مهمو موضوعاتو هم خبرې وکړې.
دا په داسې حال کې ده، چې څه موده وړاندې په یاد ولایت کې د محتسبینو له لوري ډاکټرانو ته ویل شوي و، چې نور دې له شفري یا نه لوستل کېدونکو نسخو له لیکلو څخه ډډه وکړي.
