په پکتیا او پکتیکا ولایتونو کې څلور مېرمنې له کورني ظلم څخه وژغورل شوې
د پکتیا او پکتیکا ولایتونو د امر بالمعروف ریاستونو مسؤلینو د خپلو کړنو پر مهال، د مېرمنو حقونو ته په ژمنیتا په یادو ولایتونو کې څلور مېرمنې، چې له اوږدې مودې راهیسې ور سره د خاوندانو او خسرګنیو له لوري ناوړه چلند کېده او له خپلو ټولو شرعي حقونو څخه بې برخې وې د محتسبینو په هڅو له ناوړه چلند څخه وژغورل شوې او له خپلو شرعي حقونو څخه برخمنې شوې.
مسؤلین وایي: یادې مېرمنې چې له اوږدې مودې راهیسې ځورول کېدلې او د بې معنی غیرتونو په اساس ترې خپل شرعي حقوق اخیستل شوي وو، د محتسبینو په هڅو له خپلو شرعي حقونو څخه برخمنې شوې.
بلخوا ځایي اوسېدونکي د محتسبینو دا کړنې ستایي او وایي چې په ټولنه کې د ناوړه دودونو او غیر شرعي کړنو په مخنیوي کې د محتسبینو تر څنګ ولاړ دي.
