فراه کې محتسبینو درې کسان د جعلي پیسو د کارولو په تور نیولي دي
د فراه ولایت د امر بالمعروف، نهی عن المنکر او شکایتونو اورېدلو ریاست محتسبینو هغه درې کسان نیولي چې په بازار کې یې پر نه چلېدونکو یا جعلي پیسو کاروبار کاوه او خلک یې تېر ایستل.
په تړاو یې د یاد ولایت د امر بالمعروف ریاست مسؤلین وایي: یاد کسان چې نږدې له (۳۰۰۰۰) زره جعلي افغاني پیسو سره د محتسبینو له لوري نیول شوي، چې د نورو څېړنو په موخه به عدلي او قضایي ارګانونو ته ور وپېژندل شي.
د امر بالمعروف، نهی عنالمنکر او شکایتونو اوریدلو وزارت مسؤلین ډاډ څرګندوي، چې په بازارونو کې د سود، احتکار، دوکې او نورو ناوړه کړنو مخنیوي ته ژمن دي او هېڅ چاته به اجازه ور نکړي، څو غیر شرعي کړنې تر سره کړي.
