زابل کې د محتسبینو په هڅو یو ځوان له پنځه کلنې نادرکۍ وروسته له خپلې کورنۍ سره یو ځای شو
د زابل ولایت د امر بالمعروف او نهی عن المنکر ریاست محتسبینو په هڅو یو ځوان تر پنځه کلنې نادرکۍ وروسته پیدا او بېرته خپلې کورنۍ ته وسپارل شو.
په تړاو یې د یاد ولایت د امربالمعروف مسؤلین وایي: نوموړی ځوان چې عمر یې اتلس کاله دی، پنځه کاله وړاندې له خپلې کورنۍ څخه نادرکه شوی و، چې بېرته د محتسبینو له لوري پیدا او خپلې کورنۍ ته وسپارل شو.
هغوی زیاتوي، چې یاد کس د روزګان ولایت د چار چینو ولسوالۍ اوسېدونکی دی، چې له پیدا کېدلو وروسته له خپلې کورنۍ سره یو ځای شو.
د یادولو وړ ده، چې د فراه ولایت د امر بالمعروف محتسبینو هم په یوه غوره اقدام کې مېرمن او څلور اولادونه یې له ۱۲ کلنې نادرکۍ وروسته له خپلې کورنۍ سره یو ځای کړي دي.
