نورستان کې محتسبینو د ناوړه دودونو د مخنیوي په موخه له دیني عالمانو او قومي مخورو سره ناسته وکړه.
د نورستان ولایت د امربالمعروف، نهی عن المنکر او شکایتونو اورېدلو ریاست مسؤلینو له دیني عالمانو، قومي مخورو او د مسجدونو امامانو سره د معروفاتو اقامې، منکراتو مخنیوي، ناوړه دودونو د مخنیوي او همغږۍ په موخه ناسته کړه.
جوړې شوې ناستې ته د دې ولایت د امربالمعروف مسؤلینو وویل، دیني عالمان او قومي مخور دې په ټولنه کې د معروفاتو په اقامې او د منکراتو په مخنیوي کې د محتسبینو همکاري وکړي او پر هغوی یې غږ وکړ، چې د حج، خوښیو، غم او نورو مراسمو کې د ناوړه دودونو په مخنیوي کې دې همکاري وکړي.
د هغوی په وینا: د ټولو ګډ مسئولیت دی، چې راتلونکی نسل په نېکو اخلاقو، اسلامي عقیدې او له دیني تګلارې سره سم وروزو او لازمه ده چې د اسلامي مسئولیت له مخې دې خلک د بدو دودونو د مخنیوي لپاره هڅې وکړي.
