پکتیا کې د نشه یي توکو یا ټابلیټ کا د خرڅلاو په جرم دوه کسان ونیول شول
د پکتیا ولایت د امربالمعروف، نهی عن المنکر او شکایتونو اورېدلو ریاست مسؤلینو په ټولنه کې د غیر شرعي کړنو د مخنیوي په موخه د څمکنیو ولسوالۍ په راغه کلي کې دوتنه د نشه یي توکو د خرڅلاو په جرم له نشه یي توکو سره یو ځای نیولي دې.
د دې ولایت د امر بالمعروف مسؤلین وایي، چې د قانون د ۲۲ مې مادې، ۱۱ مې فقرې او د اميرالمؤمنين حفظه الله د ۱۳ مې ګڼې فرمان مطابق یې د دې ولایت په څمکنیو ولسوالۍ کې دوه تنه هغه کسان نیولي چې د سیمې پر خلکو یې نشه یي توکي یا ټابلیټ کا پلورل، چې د لا نورو څېړنو په موخه عدلي او قضایي ارګانونو ته ور وپېژندل شول.
بلخوا ځایي اوسېدونکي د محتسبینو دا کړنه ستایي او له هغوی غواړي، چې د نشه یي توکو د مخنیوي په برخه کې لا هم چټک ګامونه واخلي، څو ځوانان د دې ناوړه عمل له کولو ډډه وکړي.
دا په داسې حال کې ده، چې د دې وزارت مسؤلینو تر دې ولاندې هم د هېواد په ځینو ولایتونو کې د نشه یي توکو د کرکېلې او کارونې مخه نیولې او ډاډ څرګندوي، چې هېڅ چا ته به اجازه ور نه کړل شي چې د یادو توکو په کښت، خرڅلاو او قاچاق لاس پورې کړي.
