کابل کې د نرخونو کنټرول او احتکار د مخنیوي په موخه له سوداګرو سره ناستې وشوې
د کابل ولایت د امر بالمعروف، نهی عن المنکر او شکایتونو اورېدلو ریاست محتسبینو د مرکز په ګډون په ۱۴ ولسوالیو کې د احتکار او د قیمتونو د غیر قانوني لوړوالي د مخنیوي په موخه له بازارونو څخه جدي څارنه ترسره کړه.
د څارنې پر مهال محتسبینو له هټۍوالو، سوداګرو او کسبه کارانو سره د اصلاحي ناستو پر مهال هغوی ته د اسلامي اصولو له مخې د عادلانه سوداګرۍ، د احتکار د مخنیوي او د خلکو د حقونو د ورکړې په اړه لازمې لارښوونې وکړې او ټینګار یې وکړ چې خپلې ورځنۍ تجارتي کړنې له اسلامي اصولو سره سمې تر سره کړي.
ورته مهال د محتسبینو له لوري د اړوندو ادارو له لوري ټاکل شوې نرخنامې په بازارونو او عامه ځایونو کې ووېشل شوې ، څو ځایي خلک او سوداګر د توکو له رسمي قیمتونو څخه خبر شي.
دغه راز محتسبینو سوداګرو او هټۍوالو ته وویل، چې که هر څوک احتکار وکړي، یا له ټاکل شویو نرخونو څخه سرغړونه وکړي، د اسلامي امارت د نافذه قوانینو له مخې به ورسره قانوني چلند وشي.
