کابل کې دوه تنه د نامشروع اړیکو او اخلاقي فساد په جرم ونیول شول
د کابل ولایت د امر بالمعروف، نهی عن المنکر او شکایتونو اورېدلو ریاست محتسبینو په ټولنه کې د معروفاتو اقامې او منکراتو د مخنیوي په موخه دوه کسان د نامشروع اړیکو او اخلاقي فساد په جرم نیولي او د لومړنیو تحقیقاتو وروسته عدلي او قضايي ارګانونو ته ور پېژندل شوي دې.
محتسبین زیاتوي، چې د موضوع له څېړنې وروسته یاده نجلۍ د ضمانت په ډول خپل پلار ته وسپارل شوه، څو د شرعي او قانوني اصولو له مخې یې سرپرستي وکړي او هلک د نورو قانوني اجراآتو لپاره اړوند محکمې ته ور وپېژندل شو.
مسؤلین وایي، چې په ټولنه کې د بدو کړنو مخنیوي ته ژمن دې او هېڅ چاته به اجازه ورنکړي، چې د غیر شرعي کړنو په کولو او خپراوي لاس پورې کړي.
