محتسبینو په پلازمېنه کابل کې یوه مېرمن له غیر شرعي نکاح څخه وژغورله
د امر بالمعروف، نهی عن المنکر او شکایتونو اورېدلو وزارت اړوند دپلازمېنې کابل ښاري ریاست محتسبینو د مېرمنوحقونو ته په ژمنتیا په پغمان ولسوالۍ کې یوه ځوانه مېرمن چې د کورنۍ غړو یې غوښتل په جبري توګه یې یوه ځوان ته په نکاح کړي وژغورله.
محتسبین وایي: یاده مېرمن، چې د کورنۍ غړو یې غوښتل د هغې له خوښتې پرته یې په جبري توګه یوه ځوان ته په نکاح کړي، چې د یادې ولسوالۍ محتسبینو پر یاده قضیه له خبرېدو وروسته د مېرمنې د شرعي حق د ورکړې په موخه یاده مېرمن له اجباري نکاح څخه وژغورله.
محتسبین ډاډ څرګندوي چې د ټولنې د شرعي او اخلاقي ارزښتونو او په ځانګړې توګه د مېرمنو د شرعي حقونو د خوندي ساتلو لپاره به خپلې هڅې لا نورې هم ګړندۍ کړي.
بلخوا ځایي اوسېدونکي دا پرېکړه د مېرمنو پر وړاندې له تاوتریخوالي د ډکو پېښو د مخنیوي او په ځانګړي ډول د جبري ودونو د مخنیوي په برخه کې غوره ګام بولي.
