پلازمېنه کابل کې محتسبینو د روغتیایي برخې له مسؤلینو سره د همغږۍ په موخه ناستې وکړې
د امر بالمعروف، نهی عن المنکر او شکایتونو اورېدلو وزارت اړوند د پلازمېنې کابل ښاري ریاست محتسبینو په روغتیایي برخه کې د معروفاتو اقامې، منکراتو مخنیوي او د د ې برخې له مسؤلینو سره د کارونو د لا ښه تر سراوي او په دې برخه کې د دوامدارې همغږۍ په موخه د (۵۰) روغتیایي مرکزونو له مسؤلینو سره اصلاحي ناستې وکړې.
د یاد ریاست مسؤلینو د اصلاحي او د همغږۍ په موخه د لیدنو پر مهال په روغتیایي برخه کې د هغوی کړنې وستایلې او له هغوی یې وغوښتل، چې په یاده برخه کې د شته منکراتو په مخنیوي او د وزارت له لوري د ټاکل شوو سپارښتنو په پلي کولو کې له محتسبینو سره مرسته وکړي.
دغه راز مسؤلینو ټینګار وکړ، چې په یاده برخه کې د اختلاط مخه ونیول شي او د داسې کړنو له کولو ډډه وشي چې د وزارت له ټاکل شوې پالیسۍ سره په ټکر کې وي.
بلخوا د روغتیایي برخې مسؤلینو د کارونو د لاښه پرمختګ په موخه همغږي او د محتسبینو همکاري اړینه وبلله او ډاډ یې څرګند کړ، چې هېڅ چاته به اجازه ورنکړي چې په یاده برخه کې غیر شرعي کړنې تر سره کړي.
