زابل کې محتسبینو درې شخړې حل او د ښکېلو اړخونو تر منځ یې روغه وکړه
د زابل ولایت د امر بالمعروف، نهی عن المنکر او د شکایتونو اورېدلو ریاست محتسبینو د علماوو، قومي مخورو په همکارۍ په خاک افغان ولسوالۍ کې درې قومي شخړې حل او د ښکېلو اړخونو تر منځ یې روغه وکړه.
محتسبین وایي: یادې شخړې له څه مودې راهیسې د اړوندو لوریو ترمنځ د اختلاف او ناندریو سبب ګرځېدلې وې، چې د محتسبینو له پرلهپسې هڅو، منځګړیتوب او د دواړو خواوو ترمنځ د تفاهم د رامنځته کولو په پایله کې په سولهییز ډول حل شوې.
د شخړو د حل په لړ کې د اسلامي شریعت د اصولو، متقابل احترام او ورورولۍ پر ارزښت ټینګار وشو او دواړو لوریو د راتلونکي لپاره د سولې، همغږۍ او ښه ګاونډیتوب ژمنه وکړه.
