محتسبینو په څلورو ولایتونو کې اووه ښځې له غیر شرعي نکاحګانو څخه وژغورلې
د پکتیکا، غور، لغمان او نورستان ولایتونو محتسبینو د مېرمنو د حقونو د خوندیتوب او په دې برخه کې د ناوړه دودونو د مخنیوي په موخه اووه مېرمنې، چې کورنیو یې غوښتل د ناوړه دودونو له امله یې د هغو له خوښې پرته په نکاح ور کړي وژغورلې.
یاد مسؤلین وایي: یادې مېرمنې چې د کورنۍ غړو یې غوښتل د هغوی له خوښې پرته یې د ناوړه دودونو له مخې په جبري ډول په نکاح ورکړي، د محتسبینو له لوري یې مخه ونیول شوه.
د یادولو وړ ده، چې د امر بالمعروف، نهي عنالمنکر او شکایتونو اورېدلو وزارت مسؤلینو په تېره سرطان میاشت کې د مېرمنو د حقونو اړوند ۳۸۸ بېلابېلي قضیې حل کړې دي، چې په دې قضیو کې د کورني ظلم، غیر شرعي نکاح، کورني بند، میراث، نفقې او ورته قضیې شاملې دي.
