محتسبینو د غزني په ده یک ولسوالۍ کې د نشه یي توکو کښت له منځه وړی
غزني کې محتسبینو د خپلو ورځنیو کړنو پر دوام د دې ولایت د نشه یي توکو پر وړاندې د مبارزې امریت په همغږۍ د ده یک ولسوالۍ په لغباد کلي کې پر څه باندې څلوېښت متره مربع ځمکه باندې د بنګو کرل شوی کښت له منځه یو ووړ.
محتسبین وایي، د محتسبیننو د قانون د ۲۲مې مادې، ۱۱مې فقرې او د امیرالمؤمنین حفظه الله د ۱۳ ګڼې فرمان له مخې یې د دې ولایت اړوند د نشه یي توکو پر وړاندې د مبارزې امریت په همغږۍ پر څه باندې څلوېښت متره مربع ځمکه باندې د بنګو کرل شوی کښت له منځه یو ووړ.
محتسبین زیاتوي چې، هېچا ته به اجازه ور نکړي چې د نشه یي توکو پر استعمال، کښت او قاچاق لاس پوري کړي او په دې برخه کې به جدي کړنو ته لا هم دوام ورکړي.
د یادولو وړ ده، چې د دې ولایت محتسبینو تر دې وړاندې د اندړو ولسوالۍ په میرلي کلي کې پر څه باندې ۹۰ متره مربع ځمکه باندې د بنګو کرل شوی کښت له منځه وړی و.
