مولوي عبدالرحمن منير: له صفونو څخه د کم عمره کسانو د اېستلو چاره عملا پیل شوې
پنجشنبه، ذالقعده ۹، ۱۴۴۳
مولوي عبدالرحمن منير د امربالمعروف، نهي عن المنکر او شکایتونو اورېدلو وزارت د نظامي برخې معین د دفاع وزارت د تحرکاتو او اکمالاتو د لیوا څخه په ليدو کې؛ د دفاع، کورنیو چارو وزارتونو او اسخباراتو ریاست له نظامي صفونو څخه د کم عمره او بې ږیرو کسانو د اېستلو چارې د پیل څخه خبر ورکړ.
مولوي منير د دغې لیوا له بېلابېلو برخو او کوټو څخه لیدنه وکړه او و یې ویل چې موخه یې په نظامي برخه کې د ښو پلي کول، د بدو منعه او د امیــ رالمــ ؤمنـــ ین د فرمانونو تطبيقول دي.
ده زياته کړه: چې د صفونو تصفیه څخه يې موخه یوازې کابل ندی، بلکې دا چاره به د کابل په شمول په ٣٣ ولايتونو کې پلي کیږي.
د امربالمعروف او نهي عن المنکر وزارت د نظامي برخې معین د دغې برنامې په جریان کې له نظاميانو څخه وغوښتل چې خپل ځانونه په سنتو برابر کړي او د باید د امیرالمؤمنین د فرمانونو په تطبیق کې ځنډ ونه کړي.
د دغې تصفیوي لیدنې په پای کې د یادې لیوا مسؤلانو وعده وکړه، چې کم عمر او بې ږيري کسان به صفونو کې نه پرېږدي او تل به ددغو فرمانونو په تطبیق کې همکاري کوي.
