بغلان کې محتسبینو دولتي کارکوونکو ته د خپل سیرت او صورت جوړولو سپارښتنې وکړې
پنچشنبه، ذالقعده ۹، ۱۴۴۳
د بغلان ولایت د مرکزي بغلان ولسوالي محتسبینو د دې ولسوالۍ له دولتي کارکوونکو سره په لیدنه کې له هغوی وغوښتل چې خپل سیرت او صورت د نبي اکرمﷺ د ارشاداتو سره سم جوړ کړي.
دې محتسبینو د یادې ولسوالي د شاروالۍ، احصایې او مختلفو برخو دولتي کارکوونکو سره ناسته وکړه او هغوی ته یې د امربالمعروف وزارت لایحې او فرمانونه بیان او هم یې د سیرت او صورت جوړولو په مورد د یاد وزارت پاليسۍ څخه خبر کړل.
همداراز د دې ولسوالۍ ټولو اړوند دولتي کارکونکو محتسبینو ته د یادو فرمانونو د پلي کولو ډاډ ورکړ او هم یې زیاته کړه چې د ټولنې په اصلاح او روزنه کې به هیڅ دریغ ونه کړي.
