دامر بالمعروف وزارت د علمي بورډ غړي؛زموږ لومړنۍ هڅه په ټولنه کې د منکراتو مخنیوی او دخلکو د ستونزو هوارول دي
دوشنبه،صفر۲۲، ۱۴۴۴
دامربالمعروف،نهی عن المنکر او شکاییتونو اورېدلو وزارت د علمي بورډ مسؤلینو دیاد وزارت د وزیر (الشیخ محمد خالد الحنفي) د پرېکړې او هدایت پر اساس د پلازمېنې کابل د اولې حوزې اړوند د ملاامامانو،قومي مشرانو،متنفذینو او کلاءګذر سره په ناسته کې هغوی ته ویلي:زموږ لومړنۍ هڅه همدا ده چې له ولس سره کړې وعدې سر ته ورسو او مشکلاتو ته یې رسیدګي وکړو.
د یاد هیئت په نمایندګي مفتي عبدالحمید حماد دسیمې اوسېدونکو ته په خبرو کې ددې هیئت اهداف او کړنې تشریح کړې او زیاته یې کړه:هر ولسي وګړی که له نظامي مسؤلینو شکایت لري مسؤل کسان په جریان کې کړئ څو مو ستونزو ته پر وخت رسيدګي شوې وي .
دغه راز مسؤلینو د سیمې پر خلکو د شکایتونو او رېدلو تلیفوني شمارې ووېشلې او له دوی یې وغوښتل چې مسؤلین د ستونزو درلودلو پر وخت په جریان کې کړي.
همدارنګه ځایي اوسېدونکو د یاد وزارت له ټولو کړنو خوښي څرګنده کړه او دوی ته یې د هر ډول مرستې ډاډ ورکړ
