فراه کې د محتسبینو له لوري په زیاته اندازه تاریخ تېر توکي له منځه یو وړل شول
فراه کې د محتسبینو له لوري د نرخونو د کنټرول، سودي راکړې ورکړې د مخنیوي، او احتکار د مخنيوي په موخه د جوړې شوې کمېټې له لوري د دغه ولایت مرکز اړوند باغ نو سيمه کې په زیاته اندازه تاريخ تېر او بې کيفيته خوراکي او غیر خوراکي توکي هدر کړل.
ځایي اوسېدونکي د ټولنې د اصلاح په موخه د محتسبینو د اصلاحي کړنو هر کلی کوي او ترڅنګ یې له محتسبینو غواړي، چې په بازارونو کې د نرخونو کنټرول، سود او احتکار مخه ونیسي او د وزارت له لوري په دې برخه کې د شویو سپارښتنو د تطبیق په موخه جدي څارنې وکړي.
دا په داسې حال کې ده، چې د امر بالمعروف، نهی عن المنکر او شکایتونو اورېدلو وزارت محتسبین د هېواد په ټولو ولایتونو کې د وزارت د ځانګړو سپارښتنو او جوړو شویو کمېټو پر مټ په بازارونو کې د نرخونو کنټرول، سود او احتکار د مخنیوي په موخه کړنې تر سره کوي، چې ور سره په یاده برخه کې د پام وړ تغیرات راغلي دي.
