امربالمعروف وزارت کارکوونکو ته د معلوماتي ټکنالوژۍ رئیس او د شکایتونو د برسۍ د بورډ درې غړي ور وپېژندل شول

org_admin
یکشنبه ۱۴۰۱/۳/۲۲ - ۹:۵۲
mopve

یکشنبه، ذالقعده ۱۲، ۱۴۴۳

د امربالمعروف، نهی عن المنکر او شکایتونو اورېدلو وزارت کارکوونکو ته د دې وزارت د دفتر د عمومي رئیس مولوي محمد اسحاق حکیم له لوري مولوي نور الرحمن عابد د معلوماتي ټکنالوژۍ د رئیس او مفتي عبدالحمید حماد، مولوي سید ذاکرالله او مولوي سراج الدین سجاد د شکایتونو د برسۍ د بورډ د غړو په توګه رسماً ور وپېژندل شول.

په دې غونډه کې د وزارت د دفتر عمومي رئیس مولوي محمد اسحاق حکیم، د بېلابېلو ادارو رئیسانو او د وزارت ګڼو کارکوونکو ګډون درلود.

غونډې ته د دفتر عمومي رئیس مولوي محمد اسحاق حکیم وویل: چوکۍ زموږ له پاره یو غټ امتحان دی او موږ باید پرې غرور ونه کړو او په خبره یې د چوکۍ له ترلاسه کولو مو باید موخه د ولس او هیواد خدمت وي.

مولوي اسحاق وویل: موږ باید خپل مسؤلیت را سپارل شوی مسؤلیت په ښه ډول ادا کړو او له کارکوونکو سره د ورورولۍ او محبت په چوکاټ کې کار وکړو.

نوموړي نویو ګومارل شویو کسانو ته په چارو کې د بریا غوښتنه وکړه او ویې ویل: "نوي ګومارل شوي کسان باید خپله وړتیا وښیي او پوره انرژۍ سره کار وکړي."

غونډې ته د معلوماتي ټکنالوژۍ نوي رئیس نور الرحمن عابد وویل: بشپړه هڅه به کوو چې د دې هیواد او خلکو له پاره خدمت وکړو او د وزارت مسؤلیونو ته یې ډاډ ورکړ چې ور سپارل شوی مسؤلیت به پوره ایماندارۍ سره ترسره کوي.

مولوي نور الرحمن عابد د حاجي محمد اکرم زوی د لوګر ولایت د بره کي برک ولسوالۍ اوسېدونکی دی چې په تېره شل کلنه جهادي دوره کې یې د ا.ا.ا. په بېلابېلو برخو کې دندې ترسره کړي دي.

هغه د شهید مولوي حبیب الرحمن د ډلګۍ د مرستیال، د بره کي برک ولسوالۍ د نظامي کمېسیون د غړي، د یادې ولسوالۍ د ښوونې او روزنې د مدیر، د لوګر ولایت د دعوت ارشاد د مسؤل او همدارنګه د دې ولایت د امربالمعروف د رئیس په توګه دندې ترسره کړې دي.

دغه راز غونډې ته د شکایتونو د برسۍ د بورډ غړي مفتي عبدالحمید حماد وویل: زموږ ولس او ملت په تېرو شلو کلنو کې ډېر ځورېدلی دی او موږ بشپړه هڅه کوو چې د هغو کسانو مخه ونیسو چې زموږ ولس په یو او بل نوم ځوروي.

نوموړي وویل: موږ د خپل ولس د خدمت له پاره د خپل وس مطابق هڅه کوو او ډاډ یې څرګند کړ چې د ولس ستونزو ته به پوره پام او پر وخت رسېدنه کوي.

هغه مسؤلینو ته ډاډ ورکړ چې خپله دنده به پوره ایماندارۍ ترسره کوي او هیچاته به اجازه ور نکړي چې ولس بې ځایه وځوروي.

مفتي عبدالحمید حماد د غزني ولایت اوسېدونکی دی او په فقه کې یې د تخصص تر کچې زده کړې کړي دي، هغه د ا.ا. په بېلابېلو برخو کې رسمي او غیر رسمي دندې ترسره کړي دي؛ چې د ا.ا. د مشرتابه له لوري یې د بېلابېلو لویو اختصاصي موضوعاتو د غړي، د جنوب لویدیځ زون د نظامي مرافعه محکمې د محرر او اداري ، د فتوحاتو په لومړیو کې د ا.ا. د مشرتابه له لوري د کندهار له پاره د تعین شوي هئیت د غړي، د دایکندي ولایت د نظامي مرافعه محکمې د محرر، د مؤسساتو د کمېسیون د اداري، د کندهار ولایت د ریګیستان او شورابک ولسوالۍ د محکمې د مفتي او کندهار ولایت کې د امربالمعروف، نهی عن المنکر او شکایتونو اورېدلو ریاست د اجرایه مدیر په حیث دندې ترسره کړې دي.

همدارنګه مولوي سید ذاکرالله هم ژمنه وکړه چې ورسپار شول مسؤلیت به په پوره صداقت سره ترسره کوي، هغه د سید شکرالله زوی د سرپل ولایت اوسېدونکی دی او د ا.ا

په بېلابېلو برخو کې یې دندې ترسره کړي دي.

دغه راز مولوي سراج الدین سجاد هم د مسؤلینو له باور مننه وکړه چې په ده یې دومره باور کړی او د دې مسؤلیت له پاره یې وړ بللی دی او ډاډ یې څرګند کړ چې خپله دنده به په صداقت ترسره کوي، نوموړی د بدرالدین زوی د نورستان ولایت اوسېدونکی دی او د ا.ا. په بېلابېلو برخو کې یې دندې ترسره کړې دي.

غونډه په پای کې د دعوت ارشاد د رئیس مولوي عبدالحکیم په دعایې سره پای ته ورسېده.

تازه خبرونه

چهارشنبه ۱۴۰۴/۵/۲۹ - ۸:۵۳
Background image

ننګرهار ولایت کې یوه مېرمن له ۲۷ کلونو وروسته له خپلې مور او وروڼو سره یو ځای شوه

د ننګرهار ولایت د امر بالمعروف، نهی عن المنکر او شکایتونو اورېدلو ریاست مسؤلینو په هڅو یوه مېرمن له ۲۷ کالونو وروسته له خپلې مور او وروڼو سره یو ځای شوه.

د یاد ولایت د امر بالمعروف. . .

چهارشنبه ۱۴۰۴/۵/۲۹ - ۸:۳۷
Background image

بلخ کې د امر بالمعروف مسؤلینو له سودا ګرو او هټۍوالو سره اصلاحي ناستې وکړې

 
د بلخ ولایت د امر بالمعروف ریاست مسؤلینو د خپلو کړنو پر مهال په بازارونو کې د سود، احتکار، ترازو کې د خیانت کولو د مخنیوي، نرخونو کنټرول او د اسلامي سوداګرۍ رامنځته کولو په موخه د. . .

دوشنبه ۱۴۰۴/۵/۲۷ - ۹:۱۳
Background image

د غزني، میدان وردګ او سرپل ولایتونو د امر بالمعروف مسؤلینو درې شخړې حل کړې دي

د غزني ولایت د امر بالمعروف، نهی عن المنکر او شکایتونو اورېدلو ریاست مسؤلینو په ګیلان ولسوالۍ کې د دوو کورنیو تر منځ د ترافیکي پېښې له امله رامنځته شوې شخړه چې  د دوو تنو د وژل کېدلو او. . .

BACK TO NEWS