د امر بالمعروف، نهی عن المنکر او شکایتونو اورېدلو وزارت په اونۍ کې
د مېرمنو حقونو ته رسېدنه:
د امربالمعروف وزارت ولایتي محتسبینو په دې اونۍ کې د مېرمنو د حقونو اړوند (۷۳) بېلابېلې قضیې حل کړې دي، چې د یادې شمېرې له مخې (۴۵) د کورني تاوتریخوالي، (۹) د میراث، (۴) د غیر شرعي نکاح ګانو،(۶) د ولور، (۴) د نفقې ورکړې، (۳) مېرمنو ته د شرعي نکاح زمینه برابره شوې او پاتې (۲) د طلاق قضیې حل شوې دي.
د قومي دښمنیو حل:
محتسبینو په ټولنه کې د قومي او ژبني تعصباتو د مخنیوي او د یووالي روحیې د پياوړې کولو لپاره د هېواد په کچه (۹) لویې دښمنۍ او (۴۰) وړې شخړې حل کړې دي.
د کوډګرو نیول:
دغه راز د امر بالمعروف وزارت محتسبینو په ټولنه کې د ناوړه دودونو د مخنیوي، ټولنیز عدالت د تأمین او د خرافاتو د مخنیوي په موخه په کابل، میدان وردګ، بلخ او ننګرهار ولایتونو کې (۵) تنه کوډګر نیولي او د شرعي پرېکړې په موخه یې، عدلي او قضایي ارګانونو ته ور پېژندلي دې.
له سوداګرو سره ناستې:
محتسبینو په بازارونو کې د سود، احتکار، ترازو کې د کموالي، د تاریخ تېر او بې کیفیته موادو د خرڅلاو د مخنیوي په موخه له سوداګرو او هټۍوالو سره (۱۲۴) اصلاحي ناستې کړې دې.
اصلاحي ناستې:
او وروستی خبردا، چې د امر بالمعروف، نهی عن المنکر او شکایتونو اورېدلو وزارت محتسبینو د هېواد په کچه له ځایي خلکو، دیني عالمانو او قومي مخورو سره د عامه ذهنیت د سمون، اسلامي نظام د ملاتړ او په ټولنه کې د معروفاتو اقامې او منکراتو مخنیوي په موخه په دې اونۍ کې(۲۱۹) اصلاحي ناستې کړې دې.
