د امر بالمعروف وزارت سرپرست وزیر د غربي نورستان جهادي مدرسې په فراغتغونډه کې ګډون وکړ
په غربي نورستان کې د جهادي مدرسې څخه د (۳۶) فاضلانو او د شپږو تنو حافظانو د فراغت په وياړ غونډه، د امر بالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي، د جهادي مدارسو عمومي رئیس شیخ الحدیث عبدالواحد طارق، د نورستان مرستیال والي مولوي فیصل مختار او ګڼ شمېر مسؤولینو په شتون کې ترسره شوه.
د غونډې په پیل کې د جهادي مدارسو عمومي رئیس ګډون والو ته د امیرالمؤمنین حفظه الله پیغام وړاندې کړ چې په ترڅ کې یې د اسلامي تعلیماتو، د دیني مدارسو او د ټولنې لپاره د ټولو ضروري زدهکړو پر ارزښت ټینګار وشو.
ورپسې د امر بالمعروف، نهې عنالمنکر او شکایتونو اورېدلو وزارت سرپرست وزیر شیخ محمد خالد الحنفي صاحب په خپلو خبرو کې ټینګار وکړ چې اسلامي زدهکړې د ټولنې د بنسټ ډبره ده او د وخت د ضرورت موافق علوم د اسلامي تمدن د بقا او پرمختګ لپاره مهمه ونډه لري. ښاغلي الحنفي صاحب همداراز د یادې مدرسې د ښوونکو او مسؤولینو هڅې وستایلې او د جهادي مدارسو شتون یې د اسلامي تعلیماتو د ودې لپاره اړین وباله.
د غونډې په ترڅ کې نورو ویناوالو هم د فارغانو کورنیو ته د فراغت مبارکي ورکړه او د مدرسې د مسؤولینو او ښوونکو قدردانی یې وکړ چې د اسلامي اصولو په رڼا کې یې زدهکوونکي په سالمه توګه وروزل او ټولنې ته یې د خدمت لپاره وړاندې کړل.
هېره دې نه وي چې د غونډې په پای کې فارغ شویو زده کوونکو ته د فضلیت دستار ور په سر شو او د تصدیق ليکونو په ورکړې وستایل شول.
