د کابل ښار یوولسمه حوزه کې یو ماهر کوډګر ونیول شو
د کابل ښار د یوولسمې محتسبینو د ځایي اوسېدونکو او مسؤولینو په غوښتنه او همغږۍ هغه ماهر کوډګر چې په خپلو ناوړه او غير شرعي کړنو یې د کورنیو ترمنځ نفاق او ستونزې راولاړولې، نیولی دی.
د محتسبینو په وینا یاد کس څخه یې سحري کتابونه او ګڼ شمېر داسي نور توکي چې په کوډو کې ترې کار اخیستل کېږي نیولي دي.
هغوی همداراز ډاډ ورکوي چې د هېواد په کچه د کوډګرو د فعالیتونو مخنیوي لپاره هڅې روانې دي او چاته به اجازه ورنکړي ترڅو په خپلو ناوړه کړنو او خبرو خلک تېرباسي او پیسې ترې واخلي.
ورته مهال ځایي اوسیدونکي د امر بالمعروف، نهې عنالمنکر او شکایتونو اورېدلو وزارت کړنې ستایي او وایي چې کوډګر ډېری وخت خلک په خپلو خبرو دوکه کوي، هغوی ته د ستونزو د حل ډاډ ورکوي او پیسې ترې اخلي.
هغوی همداراز له مسؤولینو غواړي، څو په یاده برخه کې خپلې هڅې جاري وساتي.
دا په داسې حال کې ده چې د امر بالمعروف، نهې عنالمنکر او شکایتونو اورېدلو وزارت له لوري د کوډګرو پر فعالیت له بندیز وروسته تر دا مهال زرګونه کوډګر نیول شوي او د شرعي پرېکړې په موخه اړوندو ارګانونو ته سپارل شوي دي.
