محتسبینو د هېواد په څلورو ولایتونو کې پنځه مېرمنې له غیر شرعي نکاح ګانو څخه وژغورلې
د امر بالمعروف،نهی عن المنکر او شکایتونو اورېدلو وزارت اړوند د پکتیکا،کابل، پروان او فاریاب ولایتونو محتسبینو د مېرمنو حقونو ته په ژمنتیا او په دې برخه کې د ناوړه دودنو د مخنیوي په موخه په یادو ولایتونو کې پنځه هغه مېرمنې چې د کورنیو غړو یې غوښتل د ناوړه دودونو، بې معنا غیرتونو او زیاتو پیسو په بدل کې یې په له غیر شرعي توګه په نکاح ورکړي د محتسبینو له لوري یې مخه ونیول شوه.
په دې تړاو د یادو ولایتونو د امر بالمعروف مسؤلین وایي : یادې مېرمنې چې د بې معنی غیرتونو، ناوړه دودونو او زیاتو پیسو په بدل کې غیر شرعي نکاح ګانو ته مجبورې کړل شوې وې د محتسبینو له لوري یې مخه ونیول شوه او د کورنیو له غړو څخه یې وغوښتل شول، چې په راتلونکي کې د داسې ناوړه کړنو له تر سره کولو ډډه وکړي.
دغه راز مسؤلین ډاډ څرګندوي، چې د ټولنې د ټولو دیني ارزښتونو او پّ ځانګړي ډول د مېرمنو د حقونو د خوندي ساتلو لپاره به خپلې هڅې لا نورې هم ګړندۍ کړي.
بلخوا ځایي اوسېدونکي دا پرېکړې د ټولنیز عدالت د تأمین، د مېرمنو پر وړاندې له تاوتریخوالي د ډکو پېښو د مخنیوي او په ځانګړي ډول د جبري ودونو د مخنیوي غوره ګام بولي.
