محتسبینو په زابل ولایت کې د ځمکې پر سر راپورته شوې اووه کلنه شخړه حل کړه
زابل ولایت محتسبینو د خپل ټولنیز مسؤلیت له مخې د دې ولایت په شملزو ولسوالۍ ځنځیر سېمه کې د دوو کورنیو تر منځ د ځمکې پر سر راپورته شوې اووه کلنه شخړه، چې د دواړو خواوو سلګونه د لمریزې برېښنا (سولر) دستګاوې ماتې شوې وې او یو بل ته یې درانه مالي زیانونه اړولي وو د محتسبنو له لوري په سولیزه توګه حل شوه.
د یاد ریاست محتسبینو، د علماوو شورا د غړیو او یو شمېر قومي مخورو په همکارۍ هغه اوږدمهاله شخړه په بریالیتوب سره حل او فصل شوه، چې له تېرو اوو کلونو راهیسې د ځمکې پر سر د دوو کورنیو ترمنځ روانه وه.
محتسبین ډاډ څرګندوي، چې هېڅ چاته به اجازه ور نکړي چې د قومي او ژبنیو دښمنیو پر اساس بې اتفاقي را منځته کړي او په پوره توان به د هغو پېښو مخه نیسي چې په هېواد کې راغلي امن او د ورورولۍ فضا ته ګواښ پېښوي.
