محتسبینو په پنځو ولایتونو کې ۱۶مېرمنې له کورني ظلم څخه وژغورلې
محتسبینو په بلخ، ننګرهار، سرپل، بغلان او تخار ولایتونو کې د مېرمنو د حقونو خوندیتوب او په ټولنه کې د مېرمنو پر وړاندې د ناوړه پېښو د مخنیوي په لړ کې ۱۶ مېرمنې، چې د خاوندانو او د کورنۍ د غړو له لوري ور سره ناوړه چلنده کېده؛ له کورني تاوتریخوالي ژغورلې او له شرعي حقونو څخه یې برخمنې کړې.
د امربالمعروف مسؤولین یې په تړاو وایي: یادې مېرمنې چې د خاوندانو د ناوړه چلند له امله له سخت کورني تاوتریخوالي سره مخ وې د محتسبینو په هڅو له ظلم څخه وژغورل شوې او له خپلو شرعي حقونو څخه برخمنې شوې.
محتسبین زیاتوي، چې په یادو قضیو کې د کورني ظلم، نفقې، کورني بند، ولور، میراث او ورته نورې قضیې د محتسبینو له لوري حل شوې دي او د محتسبینو له لوري د مېرمنو د حقونو د تأمین په موخه جدي کړنې لا هم دوام لري.
