مولوي اختر محمد ثاقب :خپل ماشومان مو د قران کریم له لوستلو سره اشناکړئ.

د ارزګان ولایت د امر بالمعروف نهی عن المنکر او شکایتونو اورېدو ریاست محتسبینواو د یاد ولایت د امر بالمعروف رئیس ملولوي اختر محمد ثاقب په شمول د ارزګان ولایت مرکز ترینکوټ په جامع جومات کې د قران کریم د ختم په مورِد رابلل شوې ناستې کې ګډون درلود.

چې په ناسته کې د امر بالمعروف په اهمیت او هدف او همدا شان د قران کریم پر فضیلت مفصلې خبري وشوې.
ناستې ته مولوي اختر محمد ثاقب په خبرو کې وویل:
که په یوه ټولنه کې امر بالمعروف او نهی عن المنکرموجود نه وي په هغه ټولنه کې د هر ډول جرایمو د پېښېدلو امکان شته او مغرض کسان حدود په پام کې نه نیسي او نه به په هغه ټولنه کې دومره څوک وي چې مجرمین له جرمو نو را وګرځوي.

نوموړي په همدې تړاو زیاته کړه: که په یوه ټولنه کې امر بالمعروف موجود وي د هغې ټولنې وګړي به د یو هوسا او ارام ژوند درلودونکي وي ځکه چې دا مر بالمعروف دی چې په ټولنه کې د جرایمو کچه راکموي او ټولنه د ارامتیا او ثبات په لوري بیایي او همدا شان دا د الله ج امر دی چې تاسې په معروف امر وکړئ او له منکراتو نه ځانونه او ټولنه وژغورئ ځکه چې همدا د خلکو له پاره د خلاصون او بقا لاره ده.
نوموړي همدا راز د قران کریم په فضیلت مفصلې خبرې وکړې او له خلکو یې وغوښتل چې خپل ځانونه او کورنۍ د قران کریم له لوستلو سره اشنا کړي.

نوموړي همدا رنګه په ګډون والو غږ وکړ چې د اسلامي امارت مرسته وکړي او د منکراتو په مخنیوي کې لازمه همکاري وکړي چې خلکو ورته د هر ډول مرستې ډاډ ورکړ.
دا په داسې حال کې ده چې د امر بالمعروف وزارت له خوا دلیدنو دا روزنیزه لړۍ دهیواد په ځینو ساحو کې پای ته رسېدلې او په ځینو کې لاهم جریان لري .
۱۴۴۳/۹/۲۴