نورستان کې محتسبینو اوږد مهاله دښمني پر دوستۍ بدله کړه
د نورستان ولایت نورګرام ولسوالۍ محتسبینو د خپل دیني، اخلاقي او ټولنیز مسؤلیت له مخې، د ځینو امارتي ادارو، دیني عالمانو او قومي مخورو په منځګړیتوب د دوو کورنیو تر منځ د حقوقي مسائلو پر سر راپورته شوې اوږد مهاله دښمني پر دوستۍ بدله کړه.
دا اوږد مهاله دښمني، چې د یادو کورنیو تر منځ د دوامداره شخړو لامل شوې وه، د یاد ولایت د نورګرام ولسوالۍ محتسبینو د ځینو امارتي ادارو او د سیمې د قومي مخورو په منځګړیتوب حل او پر دوستۍ بدله کړه.
دغه راز، ناستې ته د دې ولسوالۍ محتسبینو، دیني عالمانو او قومي مخورو د اسلام په مبارک دین کې د یووالي پر ارزښت خبرې وکړې او ویې ویل، چې د اسلام مبارک دین موږ ته له ټولو قومي او ژبني تعصباتو لرې د ورورولۍ په فضا کې د ژوند کولو امر کړی دی.
بل خوا د پېښې ښکېلو اړخونو په خبرو کې پر دې جوړ جاړي خوښي وښوده او په دې ولایت کې یې د محتسبینو کړنې وستایلې.
د یادولو وړ ده، چې د امربالمعروف، نهې عن المنکر او شکایتونو اورېدلو وزارت تېره اونۍ د هېواد په کچه د (۴) دښمنیو او (۲۷) بېلا بېلو لویو او وړو شخړو مخه نیولې ده.
