پکتیکا کې د ربا (سود) د حرمت او زیانونو په تړاو د عامه پوهاوي ناستې وشوې
د پکتیکا ولایت د امر بالمعروف، نهې عن المنکر او شکایتونو اورېدلو ریاست اړوند د څلورو حوزو محتسبینو په کلیو او جوماتونو کې د ولسي ناستو له لارې د ربا (سود) د زیانونو او شرعي حرمت په تړاو د عامه پوهاوي ګڼې ناستې ترسره کړې.
د یاد ریاست د مسؤولینو په وینا، په دې لړۍ کې محتسبینو او علماء کرامو د ګڼو جوماتونو او تعلیمي ځایونو لیدنه وکړه او خلکو ته یې د قرآن کریم او احادیثو په رڼا کې د سود حقیقت وروپېژانده.
هغوی زیاتوي چې محتسبینو خلکو ته روښانه کړه چې ربا د الله جل جلاله او د هغه د رسول ﷺ پر ضد د جنګ اعلان دی او دا کړنه ټولنه د بېبرکتۍ، فقر، دښمنۍ او کرکې لور ته بیايي.
بل خوا ځایي اوسېدونکو د محتسبینو ورته ناستې ګټورې وبللې او ډاډ یې ورکړ چې ترلاسه کړي معلومات به تر نورو رسوي او هڅه به کوي چې د یادې چارې زیانونه تر ټولو ورسوي.
دا په داسې حال کې ده، چې د یاد وزارت محتسبینو له دې وړاندې هم د ټولنې اصلاح او عامه پوهاوي په موخه ورته ګڼې اصلاحي ناستې ترسره کړي دي.
