کندوز کې څلور تنه ماهر او مسلکي کوډګر نیول شوي دي
د کندوز ولایت د امر بالمعروف، نهې عن المنکر او شکایتونو اورېدلو ریاست محتسبینو د تېرې اونۍ په اوږدو کې د یاد ولایت مرکز او ولسوالیو څخه څلور تنه کوډګر نیولي دي.
د کندوز ولایت د امر بالمعروف، نهې عنالمنکر او شکایتونو اورېدلو ریاست رئیس الحاج محمد نجيب غفوري کوډګري د ګڼو اخلاقي ستونزو لامل بولي او وايي: یاد کوډګر، چې له اوږدې مودې راهیسی یې د کوډو او ناروا کړنو پر مټ یې د خلکو ترمنځ جګړې او بې اتفاقۍ رامنځته کولې او د دروغجنو وعدو په وسیله یې له خلکو څخه پیسې اخیستې نیولي دي.
هغه همداراز په ټولنه کې د فساد او هر ډول خرافاتو مخنیوی خپله ژمنتیا بولي او ډاډ ورکوي چې د اسلامي اصولو پر بنسټ به د خلکو عزت، مال او حقونو خوندیتوب کې له هېڅ راز هڅې ډډه ونه کړي.
هېره دې نه وي چې یاد کوډګر د شرعي پرېکړې په موخه عدلي او قضايي ارګانونو ته سپارل شوي دي.
دا په داسې حال کې ده چې د امر بالمعروف، نهې عنالمنکر او شکایتونو اورېدلو وزارت محتسبینو د ټولنې اصلاح او خرافاتو مخنیوی ته په ژمنتیا د تېر ۱۴۰۳ کال په اوږدو کې د هېواد له بېلابېلو سیمو څخه ۹۳۵ تنه ملکي کوډګر نیولي دي.
له بېلابېلو سیمو څخه ۹۳۵ تنه ملکي کوډګر نیولي دي.
