د کابل ولایت محتسبینو په قره باغ او بګرامۍ ولسوالیو کې څلور شخړې حل او فصل کړې
د پلازمېنې کابل ښاري ریاست اړوند د قره باغ او بګرامي ولسوالیو محتسبینو د ټولنیز ثبات، د قومي او ژبني تعصباتو د له منځه وړلو په موخه په یادو ولسوالیو کې د کورنیو تر منځ څلور دښمنۍ حل او فصل کړې.
محتسبین وایي: د قومونو تر منځ د یووالي په برخه کې به هېڅ راز هڅې و نه سپموي او هېڅ چاته به اجازه ور نکړي چې قومي او ژبنۍ دښمني وپالي.
محتسبینو دغه راز پر ځایي خلکو یې غږ وکړ، چې د ورته ستونزو په مخنیوي کې له محتسبینو سره مرسته وکړي.
بلخوا ځایي اوسېدونکي د محتسبینو دا کړنې ستاسي او له هغوی غواړي، چې په ټولنه کې د ټولو منکراتود مخنیوي په موخه خپلې کړنې لا نورې هم ګړندۍ کړي.
