میدان وردګ ولایت کې محتسبینو د قتل پر سر راپورته شوې دښمني حل کړه
د میدان وردګ ولایت د امر بالمعروف، نهی عن المنکر او شکایتونو اورېدلو ریاست مسؤلینو د سیمې د قومي مخورو په منځګړیتوب د دوو کورنیو تر منځ د ترافیکي پېښې له امله رامنځته شوې دښمني چې یو تن پکې وژل شوی و حل او پر دوستۍ بدله کړه.
د یاد ولایت مسؤلین وایي: یاده دښمني چې د ترافیکي پېښې له امله را منځته شوې وه، چې پکې یو تن وژل شوی و د محتسبینو په هڅو او د قومي مخورو په منځګړیتوب حل شوه.
دا په داسې حال کې ده، چې د امر بالمعروف، نهی عن المنکر او شکایتونو اورېدلو وزارت ولایتي مسؤلینو د هېواد په کچه عقرب میاشت کې لسګونه لویې او وړې دښمنۍ حل کړې دي.
