په غزني او نورستان ولایتونو کې دوو مېرمنو د محتسبینو په هڅو د ولور شرعي حق تر لاسه کړ
د غزني او نورستان ولایتونو د امر بالمعروف مسؤلینو د مېرمنو حقونو ته په ژمنیتا او د عالیقدر امیر المؤمنین حفظه الله له لوري د مېرمنو د حقونو د خوندیتوب په موخه د شپږ ماده یز فرمان له مخې دوو هغو مېرمنو ته د ولور شرعي حق وسپاره چې د خپلو وروڼو له لوري ور څخه د ولور شرعي حق تر ې اخستل شوی وو.
په تړاو یې د یادو ولایتونو د امر بالمعروف محتسبین وایي: یادې مېرمنې چې د خپلو ورونو له لوري ترې د ولور شرعي حق اخیستل شوی و د محتسبینو په هڅو یې خپل شرعي حق تر لاسه کړ.
دغه راز د امر بالمعروف، نهی عن المنکر او شکایتونو اورېدلو وزارت مسؤلین زیاتوي، چې په پوره توان به د مېرمنو د ټولو شرعي حقونو ورکړې ته رسېدنه کوي او هېڅ چاته به اجازه ورنکړي چې د مېرمنو پر وړاندې له تاوتریخوالي ډګ چلند څخه کار واخلي.
د یادولو وړ ده، چې د امر بالمعروف، نهی عن المنکر او شکایتونو اورېدلو وزارت مسؤلینو د هېواد په کچه سلګونه مېرمنې له کورني تاوتریخوالي، کورني بند، غیر شرعي نکاح ګانو او ځان وژنې څخه ژغورلې دي او سلګونه مېرمنې یې د میراث او ولور له شرعي حقونو څخه برخمنې کړې دي.
