پکتیکا کې محتسبینو د یوې ځوانې مېرمنې د ناخوښه نکاح مخه ونیوله
د پکتیکا ولایت د امر بالمعروف ریاست مسؤلینو په سروضه ولسوالۍ کې د خپلو کړنو پر مهال د هغه ځوانه مېرمن له ناخوښه نکاح څخه وژغورله، چې د کورنۍ غړو یې غوښتل د ناوړه دودونو په اساس یې د هغې له خوښې پرته په جبري توګه په نکاح ورکړي.
په دې تړاو د یاد ولایت محتسبین وایي: یاده مېرمن چې د کورنۍ غړو یې غوښتل د هغې له خوښتې پرته یې په جبري توګه په نکاح کړي، چې محتسبینو پر یاده قضیه له خبرېدو وروسته د مېرمنو د شرعي حق د ورکړې په موخه یاده مېرمن له غیر شرعي نکاح څخه وژغورله.
مسؤلین زیاتوي: د مېرمنو خوښه په نکاح کې د هغوی شرعي حق دی، چې باید ترې برخمنې شي، چې په وینا یې: «هیڅ چاته به اجازه ور نه کړو، چې د مېرمنو حقوق تر پښو لاندې کړي او د هغو پېښو مخه به نیسو چې د مېرمنو حقوق ګواښي».
دا په داسې حال کې ده، چې د امر بالمعروف، نهې عن المنکر او شکایتونو اورېدلو وزارت محتسبینو د هېواد په ډېری ولایتونو کې د مېرمنو د حقونو اړوند نا خوښه ودونې، کورني بند خونو، کورني تاوتریخوالي، ولور او میراث سلګونه قضیې حل کړې دي او په دې پار یې کړنې لا هم دوام لري.
