پکتیا کې محتسبینو له ورزشکارانو او د تمریناتي ځایونو له مسؤلینو سره اصلاحي ناسته وکړه
د پکتیا ولایت د امربالمعروف، نهی عن المنکر او شکایتونو اورېدو ریاست محتسبینو د مرکز اړوند له ورزشکارانو او د ورزشي ځایونو له مسؤلینو سره د امر بالمعروف وزارت د قانون د تطبیق، په دې برخه کې د شته منکراتو د مخنیوي او د همغږۍ په موخه ناسته وکړه.
محتسبینو په دې ناسته کې د امر بالمعروف وزارت له لوري په جوړ شوي قانون کې د ورزشکارانو او ورزشي فعالیتونو اړوند مادو د اورولو تر څنګ د اسلام له نظره د ورزش پر اهمیت، ښو اخلاقو او اسلامي ارزښتونو د ساتنې په تړاو خبرې وکړې.
دغه راز ورزشکارانو د یادو لارښوونو د عملي کولو ډاډ څرګند کړ او ژمنه یې وکړه، چې د خپلو ورزشي فعالیتونو ترڅنګ به اسلامي اخلاقو، دیني ارزښتونو او نافذه قوانینو ته ځانګړې پاملرنه کوي.
