محتسبینو په اتو ولایتونو کې د امارتي او ملکي ادارو له مسؤلینو سره د قانون د تطبیق په موخه ناستې وکړې
محتسبینو د پلازمېنې کابل په ګډون په جوزجان، بلخ، بغلان، زابل، میدان وردګ، تخار او بامیان ولایتونو کې د امارتي او ملکي ادارو له مسؤلینو د سره د امربالمعروف وزارت د قانون د تطبیق او په دې برخه کې د ګډې همکارۍ په موخه ناستې وکړې.
محتسبینو په دې بېلابېلو ناستو کې چې موخه یې په امارتي او ملکي ادارو کې د وزارت د قانون تطبیق، د معروفاتو اقامه ، منکراتو مخنیوی او د خپلو کړنو په شرعي توګه تر سره کول، له مسؤلینو وغوښتنل چې خپلې ورځنۍ کړنې د قانون په اساس تر سره کړي او په دې برخه کې د غیر شرعي کړنو له کولو ډډه وکړي.
د یادولو وړ ده، چې محتسبین په ټول هېواد کې له ځایي خلکو، امارتي مسؤلینو او د ملکي ادارو له مسؤلینو سره د قانون د تطبیق، معروفاتو اقامې، منکراتو مخنیوي او په دې برخه کې له محتسبینو سره د همکارۍ په موخه ناستې کوي.
