محتسبینو په پنځو ولایتونو کې۲۴ مېرمنو ته د میراث، نفقې او ولور حقوق ورکړل
محتسبینو په تخار، فاریاب، بلخ، کندز، جوزجان، غور او ننګرهار ولایتونو کې د مېرمنو حقونو ته په ژمنتیا او د عالیقدر امیرالمؤمنین حفظه الله له لوري د شپږ مادهییز فرمان له مخې هغو ۲۴ مېرمنو ته د میراث، نفقې او ولور شرعي حقوق ورکړل، چې له اوږدې مودې راهیسې یې له وروڼو او د کورنیو له غړو سره د خپلو شرعي حقونو قضیې نا حل پاتې وې.
مسؤلین وایي: یادو مېرمنو چې له اوږدې مودې راهیسې یې له خپلو وروڼو او خپلوانو څخه د میراث، نفقې او ولور غوښتنه کوله او له ډېرو هڅو وروسته هم د خپلو شرعي حقوقو په اخیستلو نه وې توانېدلې، د محتسبینو په هڅو یې خپل شرعي حقوق ترلاسه کړل.
مسؤلین زیاتوي، چې په پوره توان به د مېرمنو د ټولو شرعي حقونو ورکړې ته رسېدنه کوي او هیچاته به اجازه ورنه کړي چې د مېرمنو پر وړاندې له تاوتریخوالي څخه کار واخلي.
