محتسبینو په نورستان، زابل او دایکندي ولایتونو کې پنځه اوږد مهاله دښمنۍ حل کړې
د امر بالمعروف، نهی عن المنکر او شکایتونو اورېدلو وزارت محتسبینو د هېواد په نورستان، زابل او دایکندي ولایتونو کې د خپل دیني، اخلاقي او ټولنیز مسئولیت له مخې د دیني عالمانو او قومي مخورو په منځګړیتوب د کورنیو تر منځ راپورته شوې دښمنۍ چې د زیاتو ناخوالو او ستونزو لامل شوې وې حل او د کورنیو ترمنځ یې روغه وکړه.
دا اوږد مهاله دښمنۍ، چې د یادو کورنیو تر منځ چې زیات وخت یې دوام وکړ او د دوامداره شخړو لامل شوې وې، د یادو ولایتونو محتسبینو د سیمې د دیني عالمانو او قومي مخورو په منځګړیتوب حل او پر دوستۍ بدله کړې.
د روغې جوړې په پار جوړو شوېو ولسي ناستو ته محتسبینو، دیني عالمانو او قومي مخورو د اسلام په مبارک دین کې د یووالي پر ارزښت خبرې وکړې او ویې ویل، چې د اسلام مبارک دین موږ ته له ټولو قومي او ژبني تعصباتو لرې د ورور ولۍ په فضا کې د ژوند کولو امر کړی دی، چې باید پخپلو کې له یو بل سره د وروڼو په څېر چلند وکړو.
د یادولو وړ ده، چې د امربالمعروف، نهی عن المنکر او شکایتونو اورېدلو وزارت ولایتي مسؤلینو تېره اونۍ هم دوولس لویې دښمنۍ او (۳۲) وړې شخړې حل او پر دوستۍ بدلې کړې وې.
