د هېواد په فاریاب او تخار ولایتونو کې شپږ مېرمنو د میراث او ولور شرعي حق تر لاسه کړ
د امر بالمعروف،نهی عن المنکر او شکایتونو اورېدلو وزارت اړوند د تخار او فاریاب ولایتونو محتسبینو د مېرمنو حقونو ته په ژمنیتا او د عالیقدر امیر المؤمنین حفظه الله له لوري د مېرمنو د حقونو د خوندیتوب په موخه د شپږ ماده ییز فرمان له مخې هغو مېرمنو ته د میراث او ولور شرعي حق وسپاره، چې له اوږدې مودې راهیسې یې له وروڼو څخه د میراث او ولور اخیستلو قضیې نا حل پاتې وې.
مسؤلین وایي: یادې مېرمې، چې له اوږدې مودې راهیسې یې له خپلو وروڼو څخه د میراث او ولور غوښتنه کوله او له ډېرو هڅو وروسته هم د خپل شرعي حققو په اخیستلو نه وې توانېدلې، د محتسبینو په هڅو یې خپل شرعي حق تر لاسه کړ.
مسؤلین زیاتوي،چې په پوره توان به د مېرمنو د ټولو شرعي حقونو ورکړې ته رسېدنه کوي او هېڅ چاته به اجازه ورنکړي چې د مېرمنو پر وړاندې له تاوتریخوالي ډګ چلند څخه کار واخلي.
د یادولو وړ ده، چې د امر بالمعروف، نهی عن المنکر او شکایتونو اورېدلو وزارت مسؤلینو د هېواد په کچه زرګونه مېرمنې له کورني تاوترخوالي، کورني بند، غیر شرعي نکاح ګانو او ځان وژنې څخه ژغورلې دي او سلګونه مېرمنې یې د میراث او ولور له شرعي حقونو څخه برخمنې کړې دې.
