د زابل د امر بالمعروف رئیس د یاد ولایت د مرکزي پوهنتون له مسؤلینو، استادانو او زدهکړیالانو سره د همغږۍ ناسته وکړه
د زابل ولایت د امر بالمعروف، نهی عن المنکر او شکایتونو اورېدلو رئیس مولوي محمدابراهیم جاوید د یاد ولایت د مرکزي پوهنتون له استادانو مسؤلینو او د زدهکړیالانو سره د ګډې همکارۍ، عامه ذهنیت د سمون او د وزارت له لوري د شوو سپارښتو د اورولو په موخه ناسته وکړه.
نوموړي په خپله وینا کې د ناستې ګډون والو ته د علم پر ارزښت، اسلامي ارزښتونو د ساتنې، د ښو اخلاقو، د استادانو درناوي، د وخت د سم مدیریت او د ټولنې د اصلاح په اړه مهمې خبرې وکړې.
هغه پخپلو خبرو کې زدهکړیالان د هېواد راتلونکي علمي او مسلکي کادرونه وبلل او ټینګار یې وکړ، چې د علم تر څنګ باید د اسلامي اخلاقو، ټولنیز مسئولیت او د خلکو د خدمت روحیه هم پیاوړې شي او زیاته یې کړه، چې زدهکړیالان باید له خپل علم او استعداد څخه د هېواد د ابادۍ، پرمختګ او د ټولنې د اصلاح په برخه کې اغېزمنه ګټه واخلي.
