د هرات ولایت امربالمعروف ریاست د دوو کسانو ترمنځ د پور دعوه حل کړه
پنجشنبه، شوال ۱۲، ۱۴۴۳
د هرات ولايت اوسېدونکي لطف الله چې خپل شکايت يې د امربالمعروف، نهى عن المنکر او شکايتونو اورېدلو وزارت د شکايتونو اورېدلو څانګه کې ثبت کړى و، د شکايتونو اوريدلو معينيت له لوري تر څېړنې او ارزونې وروسته د حل کولو په موخه د ياد ولايت امربالمعروف رياست ته په ليکلي بڼه ولېږل شو.
د دې ولايت د امربالمعروف رياست له لوري د دواړو لوريو له حاضرولو وروسته د اسلامي ارشاداتو په پام کې نيولو سره له همايون څخه پيسي تر لاسه او لطف الله ته وسپارل شوې.
هېره دي نه وي چې د امربالمعروف وزارت د شکايتونو اوريدلو معينيت په تېرو څو مياشتو کې سلګونه شکايتونو ته د رسيدو ترڅنګ حللارې پيدا کړې او هم يې د شکايتونو د ترلاسه کولو په پار خپلې اړيکشمېرې خلکو ته سپارلې دي.
