محتسبینو په لغمان، تخار، کنړ، بلخ، بامیان، فراه او پکتیا ولایتونو کې ۱۸ مېرمنې له کورني ظلم څخه وژغورلې
د امربالمعروف، نهی عن المنکر او شکایتونو اورېدلو وزارت محتسبینو د هېواد په لغمان، تخار، کنړ، بلخ، بامیان، فراه او پکتیا ولایتونو کې د مېرمنو د حقونو خوندیتوب او په ټولنه کې د مېرمنو پر وړاندې د ناوړه پېښو د مخنیوي په موخه ۱۸ مېرمنې، چې د خپلو خاوندانو اود کورنیو د غړو له لوري ور سره ناوړه چلنده کېده او له کورني تاوتریخوالي سره مخ وې ژغورلې او له شرعي حقونو څخه برخمنې کړې دې.
د یاد ولایت مسؤلینو په دې تړاو وویل: یادې له اوږدې مودې راهیسې د خپلو خاوندانو د ناوړه چلند او بې معنی غیرتونو له امله له سخت کورني تاوتریخوالي سره مخ وې د محتسبینو په هڅو بېرته له خپلو خاوندانو سره یو ځای او له خپلو شرعي حقونو څخه برخمنې شوې.
بلخوا ځایي اوسېدونکي په سیمه کې د ټولو منکراتو او ناوړه پېښو په مخنیوي کې د محتسبینو کړنې ستایي او ډاډ څرګندوي، چې د ټولنې په سمون کې د محتسبینو تر څنګ ولاړ دي.
