بلخ کې د محتسبینو په هڅو یوه مېرمن له کورني بند څخه وژغورل شوه
د بلخ ولایت د امر بالمعروف، نهی عن المنکر او شکایتونو اورېدلو ریاست محتسبینو د خپلو ورځنیو کړنو پر مهال د دې ولایت په چاهي ولسوالۍکې یوه مېرمنې، چې د کورنۍ د غړو له لوري له تېرو څو کلونو راهیسې په کورني بند کې ساتل کېدله او له خپلو ټولو شرعي حقونو بې برخې وه ازاده او له خپلو شرعي حقونو څخه برخمنه کړه.
محتسبین وایي: یاده مېرمن، چې د کورنۍ غړو یې غوښتل د هغې له خوښې پرته یې په جبري توګه په نکاح ورکړي خو د مېرمنې له لوري تر مقاومت وروسته یاده مېرمن په کورنی بند کې ساتل کېدله، چې د ځایي خلکو تر شکایت وروسته د محتسبینو له لوري ازاده او د خپلې خوښې نکاح له شرعي حق څخه برخمنه شوه.
محتسبین ډاډ څرګندوي، چې په پوره توان به د مېرمنو له شرعي حقونو څخه دفاع کوي او د هغو ناسمو روایتونو مخه به نیسي چې د مېرمنو شرعي حقوق له ګواښ سره مخ کوي.
د یادولو وړ ده، چې د امربالمعروف، نهی عن المنکر او شکایتونو اوېدلو وزارت محتسبینو په ټول هېواد کې زرګونه مېرمنې له کورني بند، جبري ودونو، کورني ظلم او ورته ناوړه کړنو څخه ژغورلې دې او په دې پار یې کړنې لا هم دوام لري.
