د کابل ښاري ریاست محتسبینو د یو شمېر ښوونیزو مرکزونو او تفریحي پارکونو له مسؤلینو سره د همغږۍ په موخه ناستې وکړې
پلازمینې کابل ښاري ریاست محتسبینو د خپلو ورځنیو کړنو پر مهال د ښوونیزو مرکزونو، تفریحي پارکونو، حمامونو او ورزشي کلپونو له مسؤلینو سره د وزارت له لوري د شویو سپارښتنو د پلي کولو او په دط برخه کې د معروفاتو د اقامې، منکراتو د مخنیوي او ګډې همکارۍ په موخه ناستې وکړې.
د دې بېلابېلو اصلاحي لیدنو پر مهال محتسبینو د یادوځایونو له مسؤلینو سره پر ګډې همکارۍ او په دې برخه کې د وزارت له لوري شویو سپارښتنو پر پلي کولو خبرې وکړې او په دې برخه کې د شته ستونزو په مخنیوي کې یې د هغوی مرسته اړینه وبلله.
ورته مهال د یاد ریاست محتسبینو د ځینو روغتیایي مرکزونو له مسؤلینو سره د اختلاط پر مخنیوي خبرې وکړې او هغوی ته یې وویل، چې باید د ښځینه کارمندانو کاري ساحه او د تګ او راتګ لارې ځانګړې شي.
د یادولو ده چې د دې ریاست محتسبین د وزارت د هدایاتو پر اساس له روغتیایي مرکزونو، نظامي او ملکي ادارو، ښوونیزو مرکزونو او تفریخي پارکونو څخه لیدنې کوي چې ور سره په یادو برخو کې د معروفاتو په اقامې اود منکراتو په مخنیوي کې د پام وړ بدلون راغلی.
