زابل کې د نرخونو کنټرول او احتکار د مخنیوي په موخه جدي کړنې تر سره شوې
د زابل ولایت د امربالمعروف مسؤلینو په مشرۍ او د اړوندو ادارو په ملتیا په بازلرونو کې د سود، احتکار او نرخونو کنټرول په موخه جوړې شوې کمېټې په قلات ښار کې د ګرانۍ د مخنیوي په پار له ځینو دوکانونو او تجارتي ځایونو څخه لیدنه وکړه.
د څارنې پر مهال هټۍوالو ته لارښوونه وشوه، چې د پخوانیو موجوده توکو بیې به د هماغه پېرلو له قیمت سره سمې تنظیموي او د حالاتو له نوم څخه په استفادې سره به نرخ لوړونه نه کوي. همداراز ټینګار وشو، چې احتکار، د توکو پټول او یا بېځایه نرخ لوړول د شرعي او قانوني اصولو خلاف عمل دی او له سرغړوونکو سره به جدي چلند ترسره شي.
د محتسبینو په مشرۍ جوړې شوې کمېټې ډاډ ورکوي چې د بازار د ثبات، د خلکو د اقتصادي حقونو د خوندیتوب او د احتکار د مخنیوي په برخه کې به څارنې لا هم دوام ولري او هېڅ چا ته به اجازه ورنه کړل شي چې له شرایطو ناوړه استفاده وکړي.
