ننګرهار ولایت کې محتسبینو د دیني عالمانو په منځګړیتوب یوولس کلنه دښمني حل کړه
د ننګرهار ولایت محتسبینو د خپل دیني، اخلاقي او ټولنیز مسؤلیت له مخې د دیني عالمانو او قومي مخورو په منځګړیتوب په چپرهار ولسوالۍ کې د دوو کورنیو تر منځ د یوې مېرمنې د شرعي حقونو د نه ورکړې پر سر راپورته شوې یوولس کلنه دښمني حل کړه.
دا اوږد مهاله دښمني، چې د یادو کورنیو تر منځ د یوې مېرمنې د شرعي حقونو د نه ورکړې او له هغې سره د ناوړه چلند کولو له امله را منځته شوې وه، چې یاده مېرمن د خپل خاوند او خسر له لوري له تېرو یوولس کلونو راهیسې د خپل کور ته له تګ څخه منع کړل شوې وه او له شدید کورني تاوتریخوالي سره مخ وه د محتسبینو په هڅو او د سمیې د دیني عالمانو او قومي مخورو په منځکړیتوب له کورني ظلم څخه وژغورل شوه او د یادو کورنیو تر منځ روغه وشوه.
د یادولو وړ ده، چې د امر بالمعروف وزارت محتسبینو په ټولنه کې د نورو منکراتو د مخنیوي تر څنګ په تېره یوه میاشت کې د هېواد په کچه د لسګونو لویو او وړو دښمنیو مخه نیولې او په دې پار یې کړنې لا هم دوام لري.
