خوست کې د محتسبینو په هڅو یوې مېرمنې د خپلې خوښې نکاح شرعي حق تر لاسه کړ
د خوست ولایت د امربالمعروف، نهی عن المنکر او شکایتونو اورېدلو ریاست محتسبینو د خپلو ورځنیو کړنو پر مهال د مېرمنو حقونو ته په ژمتیا هغه مېرمن، چې څلور کاله وړاندې یې خاوند وفات شوی و او د خسرګنۍ له لوري له پرلپسې رواني او فزیکي ظلم سره مخ وه او له خپلو ټولو شرعي حقونو څخه بې برخې وه او د خپلې خوښې نکاح شرعي حق ترې اخیستل شوی وو د محتسبینو په هڅو وژغورل او له خپلو شرعي حقونو څخه برخمنه شوه.
محتسبین وایي :یاده مېرمن د خپل خاوند له وفات وروسته له تېرو څلورو کلون راهیسې له سختو کورنیو ستونزو او ناعادلانه چلند سره ژوند کاوه، د محتسبینو له لوري د شرعي اصولو په رڼا کې له کورني ظلم څخه وژغورل شوه او د خپلې خوښې شرعي نکاح حق یې تر لاسه کړ.
ورته مهال د یاد ولایت د محتسبینو په هڅو یوه بله مېرمن چې له تېرو دوه نیمو کلونو راهیسې د خسرګنۍ له لوري د ولور د نه ورکړې له امله د پلار په کور ناسته وه او له سختو رواني ستونزو سره مخ وه د محتسبینو په هڅو ورته د ولور شرعي حق وسپارل شو.
