د امر بالمعروف، نهې عنالمنکر او شکایتونو اورېدلو وزارت له لوري د رسنیو له مسؤلینو سره د همغږۍ ناسته ترسره شوه
د امر بالمعروف، نهې عنالمنکر او شکایتونو اورېدلو وزارت له لوري د امر بالمعروف، نهې عنالمنکر او شکایتونو اورېدلو وزارت سرپرست وزیر شیخ محمد خالد الحنفي صاحب او یو شمېر مسؤولینو په شتون کې د حکومت د اطلاعاتو او رسنیو مرکز په کوربه توب د رسنیو له مسؤلینو سره د همغږۍ ناسته ترسره شوه.
جوړې شوې غونډې ته د امر بالمعروف، نهې عنالمنکر او شکایتونو اورېدلو وزارت سرپرست وزیر شیخ محمد خالد الحنفي صاحب ټینګار وکړ چې اسلامي نظام کې رسنۍ د ټولنې اصلاح، رهبري او د ځوانانو فکري رغښت کې تر بلې هرې وسیلې اغېزمنې دي او د محراب او ممبر حیثیت لري ځکه چې خلک ترې د بېلګې په توګه ګټه اخلي.
ښاغلي شیخ صاحب همداراز وویل مسلمانان د ټکنالوژۍ اصلي جوړونکي او بنسټ اېښودونکي دي او تاریخ یې ښکاره بېلګې له ځانه سره لري، او زیاته یې کړه چې رسنیو ته په کار ده ترڅو د تل په څېر د خبري اصولو سره سم د اعتدال په پام کې نیولو سره حقایق تر هېوادوالو او نړیوالو ورسوي.
هغه همداراز د رسنیو پر مسؤولینو غږ وکړ چې امر بالمعروف او نهې عنالمنکر ترسره کول د ټولو ګډه دنده ده نو راځئ چې د ټولنې اصلاح او مثبت فکري بدلون کې یو موټی شو.
بل خوا د رسنیو مسؤولینو په خپلو خبرو کې وویل: ورته ناستې شته ستونزو ته د حل لارې موندلو او ښې همغږۍ جوړولو کې مثبته ونډه لري.
هغوی همداراز ټینګار وکړ چې د رسنیو ملاتړ د مغرضو رسنیو پر وړاندې د مبارزې ترڅنګ د نظام پیاوړتیا او د ټولنې مثبت بدلون کې مثبت ثابتېدلای شي.
هغوی همداراز ډاډ ورکړ چې د اسلامي اصولو سره سم د ملي او اسلامي ارزښتونو دفاع او ساتنې ته ژمن دي.
هېره دې نه وي چې د غونډې په ترڅ کې د ګډون والو ستونزې، څرګندونې او وړاندیزونه واورېدل شول او د حل په موخه یې د نظرونو تبادله وشوه.
