د امر بالمعروف وزارت سرپرست وزیر په افغانستان کې د اسلامي هېوادونو د همکاریو سازمان له ځانګړي استازي سره وکتل

fazli_admin
سه‌شنبه ۱۴۰۳/۱۱/۳۰ - ۱۳:۴۶
وزارت امربالمعروف

د امر بالمعروف، نهې عن‌المنکر او شکایتونو اورېدلو وزارت سرپرست وزیر شيخ محمد خالد الحنفي په افغانستان کې د اسلامي هیوادونو د همکاریو سازمان له ځانګړي استازي طارق علي بخیت، په افغانستان کې د اسلامي همکاریو د سازمان سفیر محمدسعید عبدالله آل عیاش او مل پلاوي سره د همغږۍ او د همکاریو پیاوړتیا په موخه په خپل کاري دفتر کې وکتل.

په پيل کې د امر بالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي، راغلي پلاوي ته د ښه راغلاست او هرکلي ترڅنګ د امر بالمعروف، نهې عن‌المنکر او شکایتونو اورېدلو وزارت د کړنلارو او لاسته راوړنو په تړاو معلومات ورکړل.

ښاغلي شیخ صاحب زیاته کړه؛ د امر بالمعروف او نهې عن‌المنکر قانون د اسلامي اصولو په رڼا کې جوړ شوی دی او د ټولنې معنوي اړخونو پیاوړتیا لپاره یې پلي کول اړين دي.

شيخ صاحب همداراز د اسلامي همکاریو سازمان او امر بالمعروف، نهې عن المنکر او شکایتونو اورېدلو وزارت ترمنځ د اړیکو پر پیاوړتیا ټینګار وکړ او زیاته یې کړه چې یاد سازمان کولی شي چې د اسلامي نړۍ او افغانستان تر منځ د ښو اړیکو په برخه کې مثبت رول ولوبوي.

ورپسې په افغانستان کي د اسلامي همکاریو سازمان ځانګړي استازي طارق علي بخیت د ځیني نړیوالو رسنیو او ادرسونو له لوري د یاد وزارت پر وړاندې نیوکې له حقیقت څخه لرې وبللې او ویې ویل چې امر بالمعروف او نهې عن‌المنکر د اسلامي ټولنې اساسي اړتیا ده.

ښاغلي بخیت همداراز د یاد وزارت کړنې او لاس ته راوړنې وستايلې او ډاډ یې ورکړ چې د امر بالمعروف، نهې عن‌المنکر او شکایتونو اورېدلو وزارت سره بشپړه همکاري کوي.

تازه خبرونه

شنبه ۱۴۰۵/۲/۵ - ۷:۵۴
Background image

غور کې دوه مېرمنې له غیر شرعي نکاح ګانو څخه وژغورل شوې

د امربالمعروف، نهې عن المنکر او شکایتونو اورېدلو وزارت اړوند د غور ولایت محتسبینو د مېرمنو حقونو ته په ژمنتیا دوه مېرمنې، چې د کورنیو غړو یې غوښتل د زیاتو پیسو او ناوړه دودونو له امله. . .

پنجشنبه ۱۴۰۵/۲/۳ - ۹:۲۰
Background image

محتسبینو په بغلان ولایت کې یو خطرناک کوډ ګر نیولی دی

د امربالمعروف، نهې عن المنکر او شکایتونو اورېدلو وزارت اړوند د بغلان ولایت محتسبینو د عامه ذهنیت د سمون، غیر اسلامي کړنو د مخنیوي او د یو اسلامي چاپېریال د رامنځته کولو په موخه د دې. . .

چهارشنبه ۱۴۰۵/۲/۲ - ۱۵:۴۰
Background image

د امر بالمعروف، نهی عن المنکر او شکایتونو اورېدلو وزارت په اونۍ کې

د امر بالمعروف، نهی عن المنکر او شکایتونو اورېدو وزارت مسؤلینو د اسلامي ارزښتونو د پالنې، مېرمنو د حقونو خوندیتوب، د قومي او ژبني دښمنیو د حل، ټولنیز عدالت د ټینګښت، د ټولنیز  او اخلاقي. . .

BACK TO NEWS